Bu pozisiya üçün niyə sizi seçməliyik?

İş Görüşməsində "Bu pozisiya üçün niyə siz?" Sualına Necə Hazırlanmalısınız?

İş görüşmələrində namizədlərin ən çox rastlaşdığı suallardan biri "Bu pozisiya üçün niyə siz?" sualıdır. Bu sual, İnsan Resursları mütəxəssisləri üçün böyük əhəmiyyət daşıyır. Bu sualın arxasında əslində “Sizi tanımaq istəyirəm, özünüzü mənə tanıdın” mesajı dayanır və namizəd üçün özünü tanıtma imkanı yaradır.

Bu kritik sualın soruşulduğu an, namizədin nə istədiyini, necə bir iş mühitini arzuladığını danışacağı an deyil. Əksinə, namizədin öz bacarıq və qabiliyyətlərini, onu digər namizədlərdən fərqləndirən xüsusiyyətlərini qısaca İR mütəxəssisinə izah etdiyi andır. Məhz bu səbəbdən, görüşmə zamanı işə qəbul mütəxəssisinə cavabınızı dəstəkləyəcək detalları verməyiniz, etdiyiniz işlərdən nümunələr göstərməyiniz təcrübələrinizi qarşı tərəfə daha yaxşı ötürməyinizi təmin edəcəkdir.

Sualın Doğru və Yanlış Cavabları

Yanlış Cavablar:

• "Çünki işə çox ehtiyacım var."
• "Bu şirkət xoşuma gəlir. Burada işləmək arzumdur."

Doğru Cavablar:

• "Çünki bu mövqe üçün kifayət qədər təcrübəliyəm. Məsələn..."
• "Bu işi edərkən qarşılaşılacaq problemləri və onların həll yollarını çox yaxşı bilirəm. Məsələn..."

Suallara hazırlıqlı olun

İş görüşməsində "Sizi niyə işə götürək?" sualının ardınca çox vaxt "Bu şirkət üçün nə edə bilərsiniz?" sualı gəlir. Bu sualın cavabını vermədən əvvəl işin təsvirini və vəzifə məlumatlarını araşdırmaq mühüm addımdır. Bu yolla, görüşmədə "İşin ehtiyac duyduğu səriştələr nədir və o mövqedə işləyənlərin şirkətə nə kimi töhfələri olur? Yeni hansı layihələr həyata keçirilə bilər?" kimi sualların cavablarını rahatlıqla verə bilərsiniz.

Cavabınızı Dəstəkləyən Konkret Nümunələr Verin

İş görüşməsində fərqlənmək üçün konkret nümunələr vermək çox vacibdir. Məsələn, "Ötən layihəmdə, zaman qrafikindən iki həftə əvvəl işləri tamamladım və şirkətə 10% büdcə qənaəti qazandırdım." kimi konkret nailiyyətlər sizin fərqləndiyinizi göstərir.

Şirkətin Məqsədlərinə Uyğun Olduğunuzu Göstərin

Cavabınızda, şirkətin məqsədlərinə necə uyğun olduğunuzu vurğulamaq da faydalı olar. Məsələn, "Şirkətinizin müştəri məmnuniyyətini artırmaq hədəflərinə tamamilə uyğun gəlirəm. Əvvəlki iş yerimdə müştəri məmnuniyyəti indeksini 15% artırmağı bacardım."

Gələcək planlarınızı və şirkətə qatqınızı vurğulayın

İşə qəbul mütəxəssisləri, yalnız indiki təcrübənizi deyil, gələcək planlarınızı da öyrənmək istəyirlər. Buna görə də, gələcəkdə şirkətə necə töhfə verəcəyinizi vurğulamaq vacibdir. Məsələn, "Gələcəkdə şirkətinizin rəqəmsal marketinq sahəsində daha da irəliləməsi üçün yenilikçi strategiyalar hazırlamağı planlayıram."

Mənbə: Kariyet.net, glassdoor, indeed.